【本地话动漫】今天小寒逢腊八，最冷三九天来了！

俗话刚迭个 “小寒大寒，冻作一团。”迭个节气么代表着伲已经进入一个一年当中最最寒冷个辰光阿哉，天气寒冷也是一些毛病个高发期，因此更嘎要引起重视个诺！

格末迭个季节应该哪能样子来养森尼？

小寒节气天气寒冷，馁么关节、颈椎、甚至是心脑血管么才容易发病。所以刚，保暖是第一要务！

格末哪能样子来保暖尼？

小寒时节可以多吃一些肉类脱根茎类个蔬菜。像狗肉、牛羊肉御寒效果是比较好个，藕、胡萝卜、百合、山芋、大白菜老僧含有丰富个无机盐。另外么诺，瘦肉、菠菜、蛋黄老僧含铁高个食物，还有么像海带、紫菜、海蜇、菠菜、玉米老僧含碘食物阿可以促进人体迭个甲状腺激素个分泌。甲状腺激素么具有生热效应，能够嘎速迭个身体里厢绝大多数组织细胞个氧化过程，增嘎产热，抗冷御寒呀。

格末还有啥尼？

百病从寒起，寒从足下生。迭个时节每捏天夜里厢用热水泡脚是必勿可少个！可以用当归、红花、鸡血藤老僧中药材放勒拉锅子里厢烧成水，每天倒进温水当中泡脚使用。泡脚以后还可以用5分钟揉搓足心个涌泉穴，可以收到斜起好个迭个驱寒效果，还可以促进睡眠唻。

格末还有啥伐？

小寒时节外出，头部特别容易受冷，馁么诺长期积累迭个寒气，特别容易导致迭个毛病个发生。头部保暖勿仅是戴帽子格能嘎简单，迭个时节，出门前头、困觉前头千万勿要汰头，以免迭个寒气侵入身体里厢，滋生冬病！

说来说去，迭个小寒时节，保暖还是关键么嘎！